قره داغ

عشق دئييل سن!

  ظفرچالسين اينادلارين

  يوخ دئمه ييم همدميم سن

  غمه دوشرقانادلارين

  باهار نه دير؟گلدي گئدر

  چيچك نه دير سولار بيتر

  حايات دئييل گولوشلرين

  بيته بيلر

  خايال دئييل گؤروشلرين

  ايته بيلر

رؤيام اولما!

  عرشه چكر هيجران ظلمو

  دونيام اولما!

  آيري سالار ظاليم ،عؤمرو

  نفس دئييل سطير سؤزون

  آتش دئييل!

  غم باخيشين نملي گؤزون

  يوخ يوخ اورك اولما محو ائديرم

  سنسن منيم باش قويدوغوم،

 اوز سورتدويوم قبله گاهيم

  كوسكون كؤنلوم كؤچ ائدييي سون پناهيم

  سون پناهيم!

  منيم منده وارليغيمسان

  ساغليغيمسان بو دونيادا

  قيسمت اولسان اؤزگه يادا

  يوخلوغومو ترك ائدن روحوم منيم!

 عشق دئييل سن!