قره داغ

سوناي، آزربايجان فولكلوروندا يايين سون آيلي گئجه.لرينه دئييلر. آزربايجان “آيين دوشونجه.سينده” (اساطيري دوشونجه.سينده) آي.لا گونش سئوگيلي ديرلر. اونلارين سئوگيسي سون‌سوز دير. اونلار هئچ زامان بيربيرينه چاتانميرلار.

سوناي، پاييز اعتيدالينا ياخين اوز وئرير. دئمـَك، بئله بير چاغدا گئجه ايله گوندوز بارابارلاشيرلار. او دير كي، سونايين اون.دؤرد گئجه ليـيي دوغان چاغدا گونش باتير. بئله.ليك.له، بو ابدي و سونسوز سئوگيليلر بيربيريني اوز.اوزه گؤره بيليرلر. بيربيريني اوز.اوزه گؤرن آنلار چوخ آخيجي، چوخ سورعتله الدن گئدن آنلار دير. او گئجه آيين سئودالي باخيشي هر يئري بورويور. آرتيرمالي دير، گويا آسلي-كـَرَمين سئوداسي و طالئعي سونايين سئوداسينين گرچكلنميش داوامي دير. اونلار دا بيربيريني آزجاجيق بير زاماندا گؤروب يئنه ايتيريرلر. بيربيرلرينه چاتاندا ايسه توي گئجه سي اود توتوبان يانيرلار؛ بو دا گونشين يانديريجي ليغي دوغالليغينا قاييدير.

سونايين آييشيق گئجه.لرينده اللريني آغيزلارينا ووراراق “آواوا” چالارلار. آواوا سسينه هامي توپلانار. سونرا چئشيدلي اويونلار اوينايارلار. قديم قاري آروادلار، قوجا كيشي.لر ده اويناماغا گلرميش. بو گئجه لرين ان اؤنملي اويونو ماللاهاراي دير. بنؤوشه بنده دوشه اويون دا اوينانار.

آذربايجان كندلرينده سوناي.دان سونرا ائلچي گئتمه لر، آداخلانمالار، تويلار باشلاناردي ايل بايراميندا سونا چاتاردي.