رقص آزربايجاني
یازار : ايگيد
+0 به يه ن
هر ملتي رقص ملي ندارد ...
اين اصالت ملت آزربايجان است ...
عكسي از هواداران تراكتور
یازار : ايگيد
+0 به يه ن
تراحتوري ها باز پرچم آزربايجان را بالا بردند ....
قاراداغ
یازار : ايگيد
+0 به يه ن
قاراداغ
جعفر پوررضوي
باتيبسان آغ قارا هئي هئي قاراداغ
ساچي آغ، گؤز قارا هئي هئي قاراداغ
سيلكهله ساچلاريني قار سپهلنسين، دور اويان
دوشموشم سندن اوزاق اودلانيرام سنسيز اينان
باس مني باغرينا دولدور گؤزومو توپراغيلان
دوشدو باغريم دارا هئي هئي قاراداغ
ساچي آغ، گؤز قارا هئي هئي قاراداغ
سن داياقسان ائلينه باشين اوجا شانلي داياق
باش بولوددان يوخاري توپراغين آلتيندا آياق
قارا ساچلار سريليب چيينينه جئيراندي داراق
ساچيني آچ دارا هئي هئي قاراداغ
ساچي آغ، گؤز قارا هئي هئي قاراداغ
واردير اووجوندا گونش گوندوزه، آخشامدا آيين
او تايين گنجهدي تبريز دير، اهر دير بو تايين
دالغلارلا ووروشور چوخ داريخير آرپا چايين
سسله گلسين سارا هئي هئي قاراداغ
ساچي آغ، گؤز قارا هئي هئي قاراداغ
يئنه ده آرپا چاييندا گؤروشور نازلي سارا
خان چوبان منصور اولوب، چكدي اؤزون بيرده دارا
يئتيريب بيرده كوراوغلو خبرين، كيم نيگارا؟
كيم دئييبدير يارا هئي هئي قاراداغ
ساچي آغ، گؤز قارا هئي هئي قاراداغ
قايالاردان اوجالان قارتالا بابك دئييرم
قانادين گؤيده آچان قارتالا بابك دئييرم
قايان اوسته ياشايان قارتالا بابك دئييرم
باغليام ايلقارا هئي هئي قاراداغ
ساچي آغ، گؤز قارا هئي هئي قاراداغ
هاوالاندير، هاوالانديرسين آشيق بيرده سازي
باغرينا باس بيزيله بيرده باريشدير آرازي
قوو قيشين بايقوشونو اؤلكهميزه پايلا يازي
گئجهني چك دارا هئي هئي قاراداغ
ساچي آغ، گؤز قارا هئي هئي قاراداغ
گون باتير گوندوز اولور باش اتهيين چملي قارا
كيم چكيبدير گؤرهسن كهلييي داغلاردا، دارا
ديليمه باسديلا داغ، اف قاباريب اولدو يارا
اولدو بيتمز يارا هئي هئي قاراداغ
ساچي آغ، گؤز قارا هئي هئي قاراداغ